• مولا علی (ع) کو اللہ نے خود رسول (ص) کے بعد منتخب کیا ہے۔
• اور یہ کہ مولا علی (ع) کی اطاعت ایسے ہی فرض ہے جیسے کہ رسول (ص) کی اطاعت فرض تھی۔
• اور اللہ کا یہ منتخب کردہ خلیفہ/امام اس بات سے معصوم ہے کہ وہ کوئی غلطی کرے (جیسا کہ انبیاء (ع) ہر قسم کی لغزشوں سے پاک ہیں)۔
• اور یہ کہ امت کو یہ حق حاصل نہیں ہے کہ وہ خود سے کسی خلیفہ کا انتخاب کرے۔۔۔ وغیرہ وغیرہ

"یا کوئی یہ کہے کہ پیغمبر خاتم الانبیاء ہیں لیکن اس کا معنی یہ ہے کہ آپ کے بعد کسی کو نبی نہ کہا جائے گا، لیکن نبوت کا معنی، یعنی ایک انسان کا منجانب اللہ مخلوق کی طرف مبعوث ہونا اور واجب الاطاعت گناہوں سے معصوم اور بقا علی الخطا سۓ محفوظ ہونا۔ آپ کے بعد آئمہ میں موجود تھا تو ایسا شخص زندیق ہے۔

"لیکن ان شیعہ کی اصطلاح میں وہ امام مفترض الاطاعت ہے اور مخلوق کے لیے اللہ کی طرف سے مقرر کیا ہوا ہے اور وحی باطنی امام کے لیے جائز کہتے ہیں۔ پس یہ درحقیقت ختمِ نبوت کے منکر ہیں، اگرچہ کہ زبان سے آنحضرت ص کو خاتم الانبیاء کہتے ہیں۔

اللہ کے خود منتخب کردہ امام کا عقیدہ عین مطابقِ اسلام ہے اور ہرگز عقیدہِ ختمِ نبوت کے خلاف نہیں

• امام مہدی (ع) کو اللہ نے خود امت کی امامت کے لیے منتخب کیا ہے (یعنی کہ وہ امت کے امام، امت کے ووٹوں سے نہیں بنائے گئے ہیں جیسا کہ روزِ سقیفہ ووٹوں کا یہ ڈرامہ کھیلا گیا تھا)
• اور امام مہدی (ع) کی اطاعت ایسے ہی فرض ہو گی جیسا کہ رسول (ص) کی اطاعت فرض تھی۔
• اور یہ کہ امام مہدی (ع) اس بات سے معصوم ہوں گے کہ امت کی امامت میں کوئی غلطی کریں۔ اور یہ اللہ کا وعدہ ہے کہ امام مہدی (ع) اس دنیا کو عدل اور امن سے بھر دیں گے۔

اگر اس دنیا کا وقتِ آخر آ بھی چکا ہو گا اور (قیامت میں) ایک دن ہی باقی رہ گیا ہو گا، تو اللہ اس دن کو اتنا طُول عطا کر دے گا کہ ایک شخص کی بادشاہت قائم ہو گی، جس کا تعلق ہم اہلِ بیت سے ہو گا اور جس کا نام میرے نام پر ہو گا۔ وہ شخص اس دنیا کو امن اور انصاف سے ایسے ہی بھر دے گا جیسا کہ یہ دنیا اُس وقت ناانصافی اور ظلمت سے بھری ہوئی ہو گی۔"

سنی حوالے:

صحیح ترمذی، ج 2، ص 86

سنن ابو داؤد، ج 2، ص 7

مسند احمد بن حنبل، ج 1، ص 84

فتح الباری، ابن الحجر العسقلانی، ج 7، ص 305

 عن شهر بن حوشب رضی الله عنه قال : قال رسول اﷲ صلي الله عليه وآله وسلم : في المحرم ينادي من السماء : ألا إن صفوة اﷲ فلان، فاسمعوا له وأطيعوا، في سنة الصوت والمعمة.

i. نعيم بن حماد، الفتن، 1 : 226، رقم : 630

ii. نعيم بن حماد، الفتن، 1 : 338، رقم : 980

iii. سيوطي، الحاوي للفتاوی، 2 : 76

حضرت شہر بن حوشب رضی اللہ عنہ سے روایت ہے۔ انہوں نے فرمایا کہ رسول اللہ صلی اللہ علیہ وآلہ وسلم نے ارشاد فرمایا ’’محرم (کے مہینے) میں آواز دینے والا آسمان سے آواز دے گا۔ خبردار (آگاہ ہوجاؤ) بیشک فلاں بندہ اللہ رب العزت کا چنا ہوا (منتخب کردہ) شخص ہے۔ پس تم ان کی بات سنو اور ان کی اطاعت کرو۔

2. عن جابر بن عبداﷲ رضي الله عنه قال : قال رسول اﷲ صلي الله عليه وآله وسلم : من کذب بالدجال فقد کفر، ومن کذب بالمهدي فقد کفر.

سيوطي، الحاوي للفتاوي، 2 : 73

حضرت جابر بن عبداللہ رضی اللہ عنہ سے روایت ہے انہوں نے فرمایا کہ رسول اللہ صلی اللہ علیہ وآلہ وسلم نے ارشاد فرمایا کہ جس شخص نے دجال (کے آنے) کا انکار کیا یقیناً اس نے کفر (کا ارتکاب) کیا۔ اور جس نے (امام) مہدی (کے تشریف لانے) کا انکار کیا یقیناً اس نے (بھی) کفر کیا۔

3. عن ابن عمررضي اﷲ عنهما قال : قال رسول اﷲ صلي الله عليه وآله وسلم : يخرج المهدي و علي رأسه عمامة، فيأتي مناد ينادي : هذا المهدي خليفة اﷲ فاتبعوه.

i. سيوطي، الحاوي للفتاوي، 2 : 61

ii. طبراني، مسند الشاميين، 2 : 71، رقم : 937

iii. ديلمي، الفردوس، 5 : 510، رقم : 8920

حضرت عبداللہ بن عمر رضي اﷲ عنہما سے روایت ہے انہوں نے فرمایا کہ رسول اللہ صلی اللہ علیہ وآلہ وسلم نے ارشاد فرمایا کہ (امام) مہدی تشریف لائیں گے اور ان کے سر پر عمامہ ہوگا۔ پس ایک منادی یہ آواز بلند کرتے ہوئے آئے گا کہ یہ مہدی ہیں جو اللہ کے خلیفہ ہیں۔ سو تم ان کی اتباع و پیروی کرو۔

جنگِ جمل کے دوران میں اللہ نے مجھے اپنے الفاظ کی رحمت سے نوازا (جو کہ میں نے رسول (ص) سے سنے تھے)۔ جب رسول (ص) نے سنا کہ اہلِ فارس نے خسرو کی بیٹی کو اپنی ملکہ منتخب کر لیا ہے تو آپ (ص) نے فرمایا: " وہ قوم کبھی کامیاب نہیں ہو سکتی کہ جس نے ایک عورت کو اپنا امام مقرر کر لیا ہو۔"

(صحیح بخاری، ج 9، کتاب 88، حدیث 219)

طالوت (ایک غیر نبی) کا اللہ کی طرف سے امت کا امام مقرر کیا جانا

أَلَمْ تَرَ إِلَى الْمَلإِ مِن بَنِي إِسْرَائِيلَ مِن بَعْدِ مُوسَى إِذْ قَالُواْ لِنَبِيٍّ لَّهُمُ ابْعَثْ لَنَا مَلِكًا نُّقَاتِلْ فِي سَبِيلِ اللّهِ قَالَ هَلْ عَسَيْتُمْ إِن كُتِبَ عَلَيْكُمُ الْقِتَالُ أَلاَّ تُقَاتِلُواْ قَالُواْ وَمَا لَنَا أَلاَّ نُقَاتِلَ فِي سَبِيلِ اللّهِ وَقَدْ أُخْرِجْنَا مِن دِيَارِنَا وَأَبْنَآئِنَا فَلَمَّا كُتِبَ عَلَيْهِمُ الْقِتَالُ تَوَلَّوْاْ إِلاَّ قَلِيلاً مِّنْهُمْ وَاللّهُ عَلِيمٌ بِالظَّالِمِينَ {246}

کیا تم نے موسیٰ علیہ السلام کے بعد بنی اسرائیل کی اس جماعت کونہیں دیکھا جس نے اپنے نبی سے کہا کہ ہمارے واسطے ایک بادشاہ مقرر کیجئے تاکہ ہم راہِ خدا میں جہاد کریں. نبی نے فرمایا کہ اندیشہ یہ ہے کہ تم پر جہاد واجب ہوجائے توتم جہاد نہ کرو. ان لوگوں نے کہا کہ ہم کیوں کر جہاد نہ کریں گے جب کہ ہمیں ہمارے گھروں اور بال بّچوں سے الگ نکال باہر کردیا گیا ہے. اس کے بعد جب جہاد واجب کردیا گیا تو تھوڑے سے افراد کے علاوہ سب منحرف ہوگئے اور اللہ ظالمین کو خوب جانتا ہے

وَقَالَ لَهُمْ نَبِيُّهُمْ إِنَّ اللّهَ قَدْ بَعَثَ لَكُمْ طَالُوتَ مَلِكًا قَالُوَاْ أَنَّى يَكُونُ لَهُ الْمُلْكُ عَلَيْنَا وَنَحْنُ أَحَقُّ بِالْمُلْكِ مِنْهُ وَلَمْ يُؤْتَ سَعَةً مِّنَ الْمَالِ قَالَ إِنَّ اللّهَ اصْطَفَاهُ عَلَيْكُمْ وَزَادَهُ بَسْطَةً فِي الْعِلْمِ وَالْجِسْمِ وَاللّهُ يُؤْتِي مُلْكَهُ مَن يَشَاء وَاللّهُ وَاسِعٌ عَلِيمٌ {247}

ان کے پیغمبر علیہ السلام نے کہا کہ اللہ نے تمہارے لئے طالوت کو حاکم مقرر کیا ہے. ان لوگوں نے کہا کہ یہ کس طرح حکومت کریں گے ان کے پاس تو مال کی فراوانی نہیں ہے ان سے زیادہ تو ہم ہی حقدار حکومت ہیں. نبی نے جواب دیا کہ انہیں اللہ نے تمہارے لئے منتخب کیا ہے اور علم و جسم میں وسعت عطا فرمائی ہےاور اللہ جسے چاہتا ہے اپنا ملک دے دیتا ہے کہ وہ صاحبِ وسعت بھی ہے اور صاحبِ علم بھی

وَقَالَ لَهُمْ نِبِيُّهُمْ إِنَّ آيَةَ مُلْكِهِ أَن يَأْتِيَكُمُ التَّابُوتُ فِيهِ سَكِينَةٌ مِّن رَّبِّكُمْ وَبَقِيَّةٌ مِّمَّا تَرَكَ آلُ مُوسَى وَآلُ هَارُونَ تَحْمِلُهُ الْمَلآئِكَةُ إِنَّ فِي ذَلِكَ لآيَةً لَّكُمْ إِن كُنتُم مُّؤْمِنِينَ {248}

"اور ان کے پیغمبر علیہ السلام نے یہ بھی کہا کہ ان کی حکومت کی نشانی یہ ہے یہ تمہارے پاس وہ تابوت لے آئیں گے جس میںپروردگار کی طرف سے سامانِ سکون اور آل موسیٰ علیہ السلام اور آل ہارون علیہ السلام کا چھوڑا ہوا ترکہ بھی ہے. اس تابوت کو ملائکہ اٹھائے ہوئے ہوں گے اور اس میں تمہارے لئے قدرتِ پروردگار کی نشانی بھی ہے اگر تم صاحبِ ایمان ہو"

فَلَمَّا فَصَلَ طَالُوتُ بِالْجُنُودِ قَالَ إِنَّ اللّهَ مُبْتَلِيكُم بِنَهَرٍ فَمَن شَرِبَ مِنْهُ فَلَيْسَ مِنِّي وَمَن لَّمْ يَطْعَمْهُ فَإِنَّهُ مِنِّي إِلاَّ مَنِ اغْتَرَفَ غُرْفَةً بِيَدِهِ فَشَرِبُواْ مِنْهُ إِلاَّ قَلِيلاً مِّنْهُمْ فَلَمَّا جَاوَزَهُ هُوَ وَالَّذِينَ آمَنُواْ مَعَهُ قَالُواْ لاَ طَاقَةَ لَنَا الْيَوْمَ بِجَالُوتَ وَجُنودِهِ قَالَ الَّذِينَ يَظُنُّونَ أَنَّهُم مُّلاَقُو اللّهِ كَم مِّن فِئَةٍ قَلِيلَةٍ غَلَبَتْ فِئَةً كَثِيرَةً بِإِذْنِ اللّهِ وَاللّهُ مَعَ الصَّابِرِينَ {249}

اس کے بعد جب طالوت علیہ السلام لشکر لے کرچلے تو انہوں نے کہا کہ اب خدا ایک نہر کے ذریعہ تمہارا امتحان لینے والا ہے جو اس میں سے پی لے گا وہ مجھ سے نہ ہوگا اور جو نہ چکھے گا وہ مجھ سے ہوگا مگر یہ کہ ایک چلّو پانی لے لے. نتیجہ یہ ہوا کہ سب نے پانی پی لیا سوائے چند افراد کے---- پھر جب وہ صاحبانِ ایمان کو لے کر آگے بڑھے لوگوں نے کہا کہ آج تو جالوت اور اس کے لشکروں کے مقابلہ کی ہمت نہیں ہے اور ایک جماعت نے جسے خدا سے ملاقات کرنے کا خیال تھا کہا کہ اکثر چھوٹے چھوٹے گروہ بڑی بڑی جماعتوں پر حکم خدا سے غالب آجاتے ہیں اور اللہ صبر کرنے والوں کے ساتھ ہے

وَلَمَّا بَرَزُواْ لِجَالُوتَ وَجُنُودِهِ قَالُواْ رَبَّنَا أَفْرِغْ عَلَيْنَا صَبْرًا وَثَبِّتْ أَقْدَامَنَا وَانصُرْنَا عَلَى الْقَوْمِ الْكَافِرِينَ {250}

اور یہ لوگ جب جالوت اور اس کے لشکروں کے مقابلے کے لئے نکلے تو انہوں نے کہا کہ خدایا ہمیں بے پناہ صبر عطا فرما ہمارے قدموں کو ثبات دے اور ہمیں کافروں کے مقابلہ میں نصرت عطا فرما

فَهَزَمُوهُم بِإِذْنِ اللّهِ وَقَتَلَ دَاوُدُ جَالُوتَ وَآتَاهُ اللّهُ الْمُلْكَ وَالْحِكْمَةَ وَعَلَّمَهُ مِمَّا يَشَاء وَلَوْلاَ دَفْعُ اللّهِ النَّاسَ بَعْضَهُمْ بِبَعْضٍ لَّفَسَدَتِ الأَرْضُ وَلَكِنَّ اللّهَ ذُو فَضْلٍ عَلَى الْعَالَمِينَ {251}

نتیجہ یہ ہوا کہ ان لوگوں نے جالوت کے لشکر کو خدا کے حکم سے شکست دے دی اور داؤد علیہ السلام نے جالوت کو قتل کردیا اور اللہ نے انہیں ملک اور حکمت عطاکردی اور اپنے علم سے جس قدر چاہا دے دیا اور اگر اسی طرح خدا بعض کو بعض سے نہ روکتا رہتا تو ساری زمین میں فساد پھیل جاتا لیکن خدا عالمین پر بڑا فضل کرنے والا ہے ۔

رسول اللہ ﷺ کی گواہی کہ اس امت کے کچھ لوگوں کا رتبہ انبیاء سے بھی بلند ہو گا

حدثنا زهير بن حرب، وعثمان بن أبي شيبة، قالا حدثنا جرير، عن عمارة بن القعقاع، عن أبي زرعة بن عمرو بن جرير، أن عمر بن الخطاب، قال قال النبي صلى الله عليه وسلم ‏"‏ إن من عباد الله لأناسا ما هم بأنبياء ولا شهداء يغبطهم الأنبياء والشهداء يوم القيامة بمكانهم من الله تعالى ‏"‏ ‏.‏ قالوا يا رسول الله تخبرنا من هم ‏.‏ قال ‏"‏ هم قوم تحابوا بروح الله على غير أرحام بينهم ولا أموال يتعاطونها فوالله إن وجوههم لنور وإنهم على نور لا يخافون إذا خاف الناس ولا يحزنون إذا حزن الناس ‏"‏ ‏.‏ وقرأ هذه الآية ‏{‏ ألا إن أولياء الله لا خوف عليهم ولا هم يحزنون ‏}‏ ‏.‏

عمر ابن الخطاب کہتے ہیں: رسول اللہ ﷺ نے فرمایا کہ اللہ کے بندوں میں ایسے بھی ہیں جو انبیاء ہیں اور نہ شہید، مگر اسکے باوجود انبیاء اور شہداء ان پر رشک کرتے ہوں گے کیونکہ انہیں یوم  قیامت اللہ کے ہاں وہ مکان و رتبہ حاصل ہو گا (جو انبیاء و شہداء سے بھی بلند ہو گا)۔رسول اللہﷺ سے پوچھا گیا کہ یہ کون لوگ ہیں۔ اس پر رسول (ص) نے جواب دیا، یہ وہ لوگ ہیں جو اللہ کے رضا کی خاطر ایک دوسرے سے محبت رکھتے ہیں اور انہیں مال متاع اور رشتے داری کی کوئی لالچ نہیں۔ انکے چہرے چمکتے ہوں گے نور کے عرشوں پر۔ اور (روز قیامت) انکو کوئی ڈر نہ ہو گا جبکہ دوسرے لوگ کو خوف گھیرے ہو گا۔ پھر رسول اللہ (ص) نے یہ آیت تلاوت فرمائی:"الا ان اولیاء اللہ لا خوف علیھم و لاھم یحزنون" (اللہ کے اولیاء پر کوئی خوف ہوگا اور نہ کوئی حزن)۔

حوالہ:

سنن ابو داؤد (آنلائن لنک)

صحيح لكن من حديث معاذ بن جبل

إسناده صحيح

رواه الطبراني ورجاله موثقون

وفي باب عن أبي الدرداء وابن مسعود وعبادة بن الصامت وأبي هريرة وأبي مالك الأشعر

وفي الباب عن أبي الدرداء وابن مسعود وعبادة بن الصامت وأبي مالك الأشعري وأبي هريرة أما حديث أبي الدرداء فأخرجه الطبراني بإسناد حسن وأما حديث ابن مسعود فأخرجه الطبراني في الأوسط وأما حديث عبادة بن الصامت فأخرجه أحمد بإسناد صحيح وأما حديث أبي مالك الأشعري فأخرجه أحمد وأبو يعلى بإسناد حسن والحاكم وقال صحيح الاسناد

اس حدیث کو ابو درداء، ابن مسعود، عبادہ بن صامت، ابو مالک الاشتر  اور ابو ہریرہ نے روایت کیا ہے۔ ابو درداء کی روایت کو طبرانی نے حسن اسناد کے ساتھ نقل کیا ہے۔ ابن مسعود کی روایت کو طبرانی نے الاوسط میں نقل کیا ہے۔ عبادہ بن الصامت کی روایت کو احمد بن حنبل نے صحیح سند کے ساتھ نقل کیا ہے۔ ابو مالک الاشتر کی روایت کو احمد بن حنبل اور ابو یعلی نے حسن سند کے ساتھ نقل کیا ہے جبکہ حاکم کہتے ہیں کہ اس روایت کی سند صحیح ہے۔

کیا اللہ نے وعدہ کیا ہے کہ امتِ مسلمہ میں خود اُس کی طرف سےامام مقررہوں گے؟

جابر ابن سمورہ روایت کرتے ہیں:

"میں نے رسول (ص) کو فرماتے سنا ہے: "تمہارے امیروں (سرداروں) کی تعداد 12 ہو گی۔" پھر آپ (ص) نے کچھ فرمایا جو کہ میں نہ سن سکا۔ میرے باپ نے مجھے بتایا کہ رسول (ص) نے مزید فرمایا تھا کہ یہ تمام 12 سردار قریش کے قبیلے سے ہوں گے۔"

صحیح بخاری، حدیث 9:329، کتاب الاحکام

"دینِ اسلام روزِ قیامت تک باقی رہے گا، اور تمہارے لیے 12 امیر مقرر کر دیے گئے ہیں جو کہ تمام کے تمام قریش سے ہوں گے"

صحیح مسلم، کتاب الامارة، 1980 سعودی ایڈیشن، ج 3، ص 1453، حدیث 10

اللہ تعالی کی اپنی طرف سے علی ابن ابی طالب کو “ہادی” مقرر کیا گیا

1. رسول اللہ (ص) اپنے زمانے کے لوگوں کے لیے ڈرانے والے اور ہدایت دینے والے دونوں تھے۔
2. ڈرانے والے کے لیے ضروری نہیں کہ وہ ہر زمانے میں موجود رہ کر ڈرائے، مگر ہر زمانے میں ایک رہنما کی ضرورت ہے جو ہر زمانے میں صحیح چیز کی طرف رہنمائی کرے۔
3. رسول اللہ (ص) اپنے زمانے کے تو رہنما تھے، مگر آپ (ص) کی وفات کے بعد امت کی رہنمائی کا ذمہ اوروں کا ہے۔

حدیثِ ثقلین میں اللہ نے براہ راست عترت اہلبیت کو مقرر و منتخب کیا ہے

12 امیروں/خلفاء کی احادیث کے متعلق اہلسنت علماء کیا کہتے ہیں؟

ابن العربی:

ہم نے رسول (ص) کے بعد 12 امراء کی تعداد کو گنا ہے اور ہمارے نزدیک یہ یہ ہیں: ابوبکر، عمر، عثمان، علی، حسن، معاویہ، یزید، معاویہ ابن یزید، مروان، ۔۔۔ اس کے بعد بنی عباس کے 20 خلفاء آئے۔

اگر ہم ان میں سے صرف 12 کو چنیں، تو ہم صرف سلیمان تک پہنچ پائیں گے۔ اور اگر ہم اس کے ظاہری معنی لیں تو ہمارے پاس ان کی تعداد صرف 5 بنتی ہے۔ اگر ان میں 4 راشد خلفاء کو شامل کر لیا جائے اور عمر ابن عبد العزیز کو بھی۔۔۔۔میں اس حدیث کا مطلب سمجھنے سے قاصر ہوں۔

[ابن العربی، شرح سنن ترمذی، 9:68]

یاد رہے کہ ان بارہ ائمہ/خلفاء/امراء کی تعداد قیامت کے دن تک کبھی بھی 12 سے تجاوز نہیں کر سکتی ہے۔

قاضی عیاض

خلفاء کی تعداد یقیناً اس سے زیادہ تھی اور اس کو صرف 12 تک محدود کر دینا صحیح نہیں ہے۔ رسول (ص) نے یہ نہیں کہا ہے کہ صرف یہ 12 خلفاء ہی ہوں گے اور ان کے بعد مزیر خلفاء آنے کا کوئی امکان نہیں ہے۔ سو یہ ممکن ہے کہ ان 12 خلفاء کے بعد بھی مزید خلفاء آئیں

[النووی، شرح صحیح مسلم، 12:201، ابن الحجر العسقلانی، فتح الباری، 16:33]

تبصرہ:

حافظ جلال الدین السیوطی

روزِ قیامت تک خلفاء کی تعداد صرف 12 ہو گی (حافظ سیوطی نے یہ کہہ کر اوپر دیے گئے قاضی عیاض کے ظن کو بالکل مسترد کر دیا ہے کہ یہ امیر تعداد میں 12 سے زیادہ بھی ہو سکتے ہیں) اور وہ سچائی کے راستے پر چلتے رہیں گے چاہے یہ 12 خلفاء کے آنے کا زمانہ ایک کے بعد ایک نہ بھی ہو۔

ہم دیکھتے ہیں کہ ان 12 میں سے 4 تو راشد خلفاء ہیں، پھر حسن ہیں، پھر معاویہ اور ابن زبیر ہیں اور آخر میں عمر ابن عبد العزیز ہیں۔ ان کی تعداد 8 بنتی ہے۔ اسطرح ان میں سے 4 مزید آنا باقی ہیں۔ ان میں سے ایک شاید مہدی (ع) ہوں گے۔ عباسی کو بھی اس میں شامل کیا جا سکتا ہے کیونکہ اس کا تعلق بنی عباس سے ایسا ہی ہے جیسا کہ عمر ابن عبد العزیز کا تعلق بنی امیہ سے تھا۔ اور ان میں طاہر عباسی کو بھی شامل کیا جائے گا کیونکہ وہ عادل حکمران تھا۔ اس طرح ابھی 2 اور کو آنا ہے۔ ان میں سے ایک تو امام مہدی (ع) ہوں گے کیونکہ ان کا تعلق اہلِ بیت سے ہے۔

[السیوطی، تاریخِ خلفاء، ص 12، اور ابن الحجر الہیثمی، الصواعق المحرقہ، ص 19]

تبصرہ:

حافظ ابن الحجر العسقلانی

کسی کو بھی صحیح بخاری کی اس حدیث کے معنوں کے متعلق صحیح طور پر پتا نہیں ہے۔یہ کہنا درست نہیں ہے کہ یہ تمام آئمہ ایک ہی زمانہ میں موجود ہوں گے۔

[ابن الحجر العسقلانی، فتح الباری 16:338]

تبصرہ:

ابن الجوزی

بنی امیہ کا پہلا خلیفہ یزید ابن معاویہ تھا جبکہ آخری مروان الحمر تھا۔ ان کی تعداد 13 بنتی ہے۔ عثمان، معاویہ اور ابن زبیر کو اس میں شامل نہیں کیا گیا ہے کیونکہ ان کا تعلق اصحاب سے تھا۔ اگر ہم ان میں سے مروان بن الحکم کو اس فہرست سے اس بنا پر خارج کر دیں کہ آیا اسے صحابیِ رسول (ص) مانا جائے یا نہیں، تو ہمیں 12 کی یہ مقررہ تعداد مل جاتی ہے۔۔۔۔ جب خلافت بنی امیہ کے ہاتھوں سے نکلی تو آفات کا ایک سلسلہ شروع ہو گیا حتیٰ کہ بنی عباس نے اپنی خلافت کو مستحکم نہ کر لیا۔ چنانچہ (روزِ قیامت والی) اصل شرط مکمل طور پر تبدیل ہو گئی۔

[ابن الجوزی، کشف المشکل، جیسا کہ العسقلانی نے اس کا حوالہ اپنی فتح الباری 16:340 پر دیا ہے]

تبصرہ:

امام النووی

اس کا یہ مطلب بھی ہو سکتا ہے کہ یہ 12 امام اس وقت تک رہیں گے جب تک اسلام اپنے عروج پر رہے گا (یعنی روزِ قیامت کی شرط کا مطلب اسلام کا عروج ہے)۔ وہ وقت جبکہ اسلام چھایا ہوا ہو گا، یہ خلفاء اپنے دور میں اسلام کی بالادستی قائم کریں گے۔

[النووی، شرح مسلم، 12:202]

تبصرہ:

امام البیہقی

یہ 12 کی تعداد ولید ابن عبد المالک تک پائی جاتی ہے۔ اس کے بعد انتشار اور افراتفری پھیل گئی۔ اس کے بعد عباسی خلفاء کا دور شروع ہوا۔ اگر ہم ان کچھ خصوصیات کو نطر انداز کر دیں جو کہ انتشار کے بعد رونما ہوئیں، تو ان کی تعداد 12 سے کہیں زیادہ بن جاتی ہے۔

[ابن کثیر، تاریخ 6:249، السیوطی، تاریخ الخلفاء، ص 11]

تبصرہ:

حافظ ابن کثیر

جو کوئی بھی امام بیہقی کی رائے کی پیروی کرتا ہے اور اس بات سے متفق ہے کہ اس سے مراد وہ خلفاء ہیں جو کہ ایک دوسرے کے بعد بغیر کسی وقفے کے آئے حتیٰ کہ ولید ابن یزید ابن عبد المالک جیسے فاسق خلیفہ مقرر ہوئے جس کے متعلق ہم نے روایات نقل کی ہیں جس میں اس پر تنقید کی گئی ہیں اور اس کی برائیاں بیان کی گئی ہیں۔

اور اگر ہم ابن عبد المالک سے پہلے ابن زبیر کی خلافت تسلیم کر لیں تو خلفاء کی تعداد 16 پہنچ جائے گی۔ اور اس طریقے میں یزید ابن معاویہ تو شامل ہو جائے گا مگر عمر ابن عبد العزیز رہ جائیں گے۔ مگر علماء کی ایک بڑی تعداد اس بات پر متفق ہے کہ عمر ابن عبد العزیز ایک سچا اور عادل خلیفہ تھا۔

[ابن کثیر، تاریخ 6:249]

تبصرہ:

کیا آپ ذہنی طور پر کنفیوزڈ تو نہیں ہو گئے؟

"میں انبیاء کا سردار ہوں اور علی (ع) اوصیاء کے سردار ہیں۔ اور میرے بعد میرے اوصیاء کی تعداد 12 ہو گی۔ ان میں سے پہلے تو یہ علی (ع) ہیں، اور ان میں سے آخری مہدی (ع) ہوں گے۔"

"بے شک میرے خلفاء، جو کہ میرے وارث اور تمام مخلوقات پر اللہ کی حجت ہوں گے، ان کی تعداد 12 ہو گی۔ ان میں سے پہلا میرا بھائی ہو گا اور آخری میرا بیٹا ہو گا۔" آپ (ص) سے پوچھا گیا کہ آپ (ص) کا وہ بھائی کون ہے؟ آپ (ص) نے جواب دیا کہ "علی ابن ابی طالب"۔ پھر لوگوں نے پوچھا کہ آپ (ص) کا وہ بیٹا کون ہو گا؟ اس پر آپ (ص) نے جواب دیا کہ "المہدی! جو کہ اس دنیا کو عدل اور انصاف سے ایسے بھر دے گا جیسا کہ یہ دنیا ناانصافی اور ظلم سے بھری ہوئی ہو گی۔ اور اس ذات کی قسم کہ جس نے مجھ کو ڈرانے والا اور خوشخبری دینے والا بنا کر بھیجا ہے، کہ اگر اس دنیا کہ زندگی کا ایک دن بھی باقی رہ جائے گا تو بھی اللہ اس دن کو اتنا طول دے دے گا کہ وہ میرے بیٹے المہدی کو بھیجے گا، اور پھر وہ روح اللہ عیسیٰ ابن مریم (ع) کو نازل کرے گا جو کہ امام مہدی (ع) کے پیچھے نماز ادا کریں گے۔ اور یہ دنیا اس کے نور سے منور ہو جائے گی اور اس کی حکمرانی مشرق سے لیکے مغرب تک قائم ہو جائے گی۔"

میں، علی، حسن، حسین اور حسین کی نسل سے 9 افراد طاہر کیے گئے ہیں اور (کسی بھی قسم کی لغزشوں سے) معصوم ہیں۔"

[الجوینی، فرائض السمتین، ص 160، طبع بیروت]